Dato

Antropónimo masculino de orixe latina formado a partir do participio do verbo dare. Foi un nome moi popular no norte de África e seguramente expresa a mesma idea mística ca Deodatus. Aparece moi cedo en documentos latinos, tanto baixo forma latina como baixo forma romance: “Dato” (doc ano 1010 en J. Mª Andrade Cernadas, O tombo de Celanova, 1995, p 588), “Datus” (derivado de Deusdado) (doc ano [1104] en M. Lucas Álvarez, El tumbo de San Julián de Samos (siglos VIII-XII), 1986, p 220). Na época medieval tamén se documenta o patronímico Datiz que xa se perdeu. Leva este nome un bispo que se celebra o 3 de xullo. Actualmente tamén funciona como apelido patronímico.