Davy, lámpada de

Lámpada coa chama protexida que serve para comprobar a seguridade da atmosfera dunha mina. Está especialmente indicada para descubrir as mesturas de metano e aire (grisú), frecuentes nas minas de carbón. Tamén serve para indicar atmosferas deficientes en osíxeno. As primeiras lámpadas apareceron no s XIX grazas aos traballos de H. Davy, W. R. Clanny e G. Stephenson.