Deba

Municipio do territorio de Gipuzkoa, Euskadi, situado na marxe dereita da ría de Deba (5.042 h [1996]). A economía está diversificada, e destacan a agricultura e a gandería bovina. Tamén é un importante porto pesqueiro e lugar de veraneo. Posúe certa actividade industrial, especialmente no sector metalúrxico. Do seu patrimonio cultural destacan a cova de Ekain, do período magdaleniano, a igrexa Debakoa Santa Maria e o Itziarko Santutegia.