demagoxia

Forma impura de goberno democrático, segundo o concepto aristotélico, na que exercían o poder aqueles individuos que seducían e enganaban as masas mediante o seu discurso e axudados de falsas promesas.

Política baseada no uso de métodos emotivos e irracionais que estimulen os sentimentos dos gobernados, e acepten así uns programas de acción impracticables que pretenden unicamente manter situacións de privilexio. Está moi ligada aos sistemas de goberno ditatoriais ou de liderado autoritario que utilizan a adulación ás clases economicamente febles por parte dun líder carismático para o ascenso ao poder.

Estado político no que o goberno se entrega á multitude.

Razoamento enganoso para conseguir o apoio dos demais para beneficio propio.