demosponxa

Relativo ou pertencente ás desmosponxas.

Esponxa que pertence ás demosponxas.

Clase de esponxas, de estrutura leuconoide, caracterizadas por presentar espículas silíceas de seis radios que poden estar unidas entre si, as espículas, por esponxina. Comprende máis do 95% das especies de esponxas e son principalmente mariñas, agás a familia dos esponxílidos que viven en auga doce, como os xéneros Spongilla e Myenia, nas que a esponxa morre deixando xémulas que dan lugar a novas esponxas ao ano seguinte. As especies mariñas preséntanse cunha multitude de formas e poden ser incrustantes, dixitiformes, perforantes, que escavan buratos en cunchas ou outros materiais, en forma de abano ou como almofadas. Algúns dos xéneros máis comúns son Spongia e Hippospongia.