despedir

1. v t

   1. Acompañar ata un determinado punto a unha persoa que se vai.

      Ex: Fun despedir os meus amigos ó aeroporto.

   2. Separarse unha persoa doutra con palabras ou xestos, propios da despedida.

      Ex: Despediron os seus amigos con bicos e abrazos.

   3. Dicir unha persoa a outra que alguén que marcha lle envía saúdos.

      Ex: Non tiven tempo de ver a túa irmá, por favor, despídenos dela.

2. v t

   Botar a alguén dun traballo ou do cargo que ocupa.

   Ex: Despedírono cando rematou o contrato.

3. v t

   Celebrar o final de algo, especialmente do ano ou curso.

   Ex: Os vigueses van despedir o ano cunha gran festa.

4. v t

   Expulsar ou lanzar algo ou alguén con forza.

   Ex: O camión que ía diante de nós despedía grava. O volcán estaba en erupción e despedía lava. O forte impacto despediuno fóra do coche.

5. v t

   Desprender unha persoa ou cousa algo que sae dela.

   Ex: A cociña de ferro despide moita calor. Ese rapaz despide un olor insoportable. Esta lámpada despide moita luz.

   Sinónimos: desprender.
6. v pron

   1. Expresar con palabras ou accións propios do momento da separación dunha persoa doutra.

      Ex: Despediuse de nós moi emocionado.

   2. Dicir unha persoa a outra que marcha.

      Ex: Dixo que se ía despedir de todos antes de coller o avión.

7. v pron

   Irse alguén do seu traballo ou cargo.

   Ex: Despediuse da fábrica porque atopou un traballo mellor.

8. v pron

   Realizar alguén por derradeira vez a actividade que lle é propia.

   Ex: Despediuse dos escenarios coa representación de A fiestra baldeira.

9. v pron

   Desistir de facer ou acadar algo. OBS: Úsase seguido da preposición de.

   Ex: Despediuse da viaxe a Italia no mes de agosto cando viu os prezos. Se perdiches o pasaporte no taxi, despídete del.

Refráns

• A ¡ldevos da miña casa! e ¿Que queredes coa miña muller? non hai que responder.
• Dígolle que se vaia e desate as bragas.
• Pola porta aberta vaise á eira.