destreza

Habilidade ou capacidade dunha persoa para realizar moi ben algo que parece difícil.

Destreza que no currículo escolar se refire aos coñecementos e hábitos precisos para que o alumno obteña o éxito necesario ao longo da súa vida académica e sexa capaz de facer fronte ás situacións que se lle van presentando na súa vida corrente. Deben adquirirse nos primeiros anos de escolarización e tradicionalmente considéranse destrezas básicas a lectura, a escrita e o cálculo aritmético.

Destreza comunicativa que segundo o esquema básico da comunicación oral inclúe, no medio oral-auditivo, a expresión oral (segunda fase da codificación) e a comprensión oral-auditiva (segunda fase da descodificación oral). Se estas destrezas se proxectan sobre o medio visual ou escrito inclúe a comprensión lectora e a expresión escrita. Estas catro destrezas comunicativas clasifícanse, á súa vez, en destrezas activas ou de produción, e destrezas pasivas, receptivas, ou de recoñecemento.