deter

1. v t

   Impedir que algo ou alguén se mova ou avance.

   Ex: Detivo a rapaza antes de que chegase á casa.

2. v t

   Interromper o curso ou o desenvolvemento dunha acción.

   Ex: Detiveron a venda do aceite porque non pasou o control de calidade.

3. v t

   Coller a policía a alguén que presuntamente cometeu un delito.

   Ex: Detivéronos cando saían coas xoias do establecemento.

   Sinónimos: apresar, prender.
4. v t

   Reter alguén unha cousa de forma ilexítima.

   Ex: O ditador detivo o poder durante dúas décadas. Detivéronlle os documentos e non puido saír do país.

5. v pron

   Deixar algo ou alguén de moverse ou ir cara a adiante.

   Ex: O coche detívose na autoestrada e xa non acendeu. Detivémonos diante do letreiro para ler o que puña.

6. v pron

   Deixar de seguir o curso ou o desenvolvemento dunha acción.

   Ex: Por sorte a riada detívose antes de chegar á aldea.

7. v pron

   Pasar un tempo facendo algunha cousa.

   Ex: Detense moito tempo no coidado das plantas. Antes de entrar detívenme a pensar por qué o facía.

Formas incorrectas