Día de Fiesta, El

Publicación aparecida o 1 de xullo de 1881 na Coruña e que cesou o 26 de febreiro de 1882. Subtitulada “Pasatiempo semanal ilustrado”, editou un total de dezasete números, nos que colaboraron, ademais do seu director literario Vicente Platel, B. Losada e Antonio Mª de la Iglesia. Incluíu diversas seccións dedicadas á moda, á creación literaria e ás actividades sociais en xeral.