Díaz Jácome, Xosé

Xornalista e poeta. Pertencente á chamada Xeración de 1936, colaborou en distintos xornais e revistas como Resol, Alba, Céltica ou Galiza. Fundou e dirixiu a revista Cadernos de poesía Albor e foi redactor xefe de El pensamiento navarro e de Faro de Vigo, e director da revista Pregón e do xornal La Voz de Asturias. Publicou: Primeiras cantigas de amor (1936), con ilustracións de Vidarte e epílogo de Álvaro Cunqueiro, La huella del ángel (1943), Pombal (1963) e Muíño fidel (1983), con ilustracións de Felipe Criado. Foi nomeado Fillo Predilecto de Mondoñedo en 1973.

Cronología