Dieppe

Cidade do departamento do Seine-Maritime, situada na Alta Normandía, Francia (35.894 h [1990]). Desde os anos setenta a expansión de Dieppe dependeu do éxito do seu parque industrial, chamado Euro Chanel, con máis de 140 negocios dedicados ás novas tecnoloxías. Ademais, é o porto no que se comercia máis marfil do mundo. Nas últimas décadas instaláronse importantes industrias do sector téxtil, químico e automobilístico. Do seu patrimonio cultural destacan o castelo medieval, construído para a defensa contra os ingleses (1433), a igrexa de Saint-Jacques (ss XIII ao XVI) e o château de Miromesnil (s XVII).