Dingler, Hugo

Filósofo. Foi profesor na Universidade de Múnic e na Escola Superior Técnica de Darmstadt, e distinguiuse polos seus traballos en filosofía da ciencia. A súa crítica ás bases da ciencia moderna influíu na fundamentación da lóxica e da matemática. Entre as súas obras destacan Grenzen und Ziele der Wissenschaft (Límites e fins da ciencia, 1910), Die Grundlagen der Physik (Fundamentos da física, 1919), Grundriss der methodischen Philosophie (Esbozo da filosofía metódica, 1949) e Das physikalische Weltbild (A imaxe física do mundo, 1953).

Cronología