Diocleciano, termas de

Baños públicos construídos polo Emperador Diocleciano en Roma entre o ano 298 e o 306. Foi o conxunto termal de maiores dimensións construído na antiga Roma. Formábano un corpo central que tiña arredor del as diversas dependencias: calidarium, tepidarium, frigidarium, basilica e natatio. A igrexa de Santa Maria degli Angeli de Michelangelo empregou as paredes do calidarium na súa fachada e o tepidarium converteuse no seu adro. Da basilica consérvase a planta e as columnas de granito.