Domato

Apelido de orixe toponímica formado sobre a base léxica mato e a preposición de (neste caso coa forma do, resultado da contracción co artigo masculino o), indicadora do lugar de procedencia, residencia ou nacemento do individuo a quen se lle aplicou na súa orixe. Documéntase no s XI: “Martin do Mato” (doc ano 1001 en Miguel Romaní Martínez, A Colección diplomática do Mosterio Cisterciense de Santa María de Oseira (Ourense): (1025-1399), 1990-1993, p 950). Tamén se grafa Do Mato.