Donís, San Fiz de

Igrexa parroquial situada en Cervantes. Ten planta rectangular con tres naves: a central, sostida por dúas columnas octogonais e piares cadrados, e cun coro de madeira aos pés, e dúas laterais. O presbiterio cóbrese con bóveda de canón elevada. No interior destaca o retablo maior renacentista, con dous corpos con imaxes da Piedade (s XVI), san Xoán e a Virxe. Nunha das capelas laterais consérvanse algúns sepulcros. No exterior destaca no lado S a torre de planta cadrada e dous corpos.