dopar

Administrar a unha persoa ou animal substancias antirregulamentarias con efectos estimulantes ou narcóticos para aumentar o seu rendemento físico, especialmente en competicións deportivas.

Engadir pequenas cantidades de impurezas mediante distintos procedementos a un semicondutor intrínseco co fin de modificar as súas propiedades, de xeito que se converta en extrínseco. Se este procedemento se fai con doadores, o semicondutor obtido é do tipo n, mentres que se se fai con aceptores, é do tipo p. Ao inicio dos dispositivos de estado sólido, as unións obtíñanse mediante a fabricación de aliaxes dun metal cun semicondutor. En 1955 desenvolveuse o método de difusión que é máis perfecto. O método máis preciso para o control dos perfís de impurezas é o de implantación iónica.

Inxerir substancias con efectos estimulantes ou narcóticos para aumentar o rendemento físico.