Doris

Xénero de moluscos gasterópodos opistobranquios da orde dos nudibranquios que comprende numerosas especies. Teñen aspecto de lesmas e poden chegar a medir uns 25 mm de lonxitude. Son de pel núa, carecen de cuncha, e na parte posterior das costas teñen unha coroa de branquias dispostas en forma de plumeiro. Viven nos fondos mariños entre os 20 e os 100 m de profundidade.