Dosil Maceira, Agustín

Profesor. Doutor en Filosofía e Letras pola Universidade de València (1973), ampliou estudios no Instituto de Modificabilidade Cognitiva de Israel. Catedrático de Psicoloxía Xeral e de Psicoloxía Evolutiva e da Educación da Universidade de Santiago de Compostela, centra a súa investigación, sobre todo na educación para a saúde, na mellora da intelixencia, na estrutura do medio ambiente familiar e estilos educativos e na calidade dos centros educativos. Codirixe proxectos de investigación no Seminario de Sociolingüística da Real Academia Galega e foi o impulsor da creación do Foro Internacional da Familia e fundador do Instituto da Familia. Forma parte de diversos consellos de redacción (Revista Galega de Ensino) e de editoriais (Escuela en Acción, Revista de Educación, FAÍSCA) e é codirector de Psicología General y Aplicada (FEDAP). É director e coautor de varias obras e artigos científicos; entre elas cómpre destacar De la cuna a la Universidad (1999), Pais galegos de cidadáns europeos (2000), formado por trinta unidades didácticas, e Dicionario de Psicoloxía e Educación (2001). Foi finalista do Premio ALCUIN (Premio Europeo de Educación), e membro do Consejo Escolar del Estado, da Comisión Técnica del Instituto Nacional de Calidad y Evaluación Educativa (INCE), do Consello de Administración da EPA (European Parents Association) e da UNIAPA (Unión Iberoamericana de Asociaciones de Padres de Alumnos y de Familia). Foi distinguido coa Encomienda de Alfonso X el Sabio (2001).

Cronología