Dragóns asiáticos

Expresión que se aplica conxuntamente aos países do sueste asiático que, partindo dunha economía tradicional, rexida por estruturas feudais en moitos casos, se incorporaron no último terzo do s XX á industrialización e sobresaíron polas súas elevadísimas taxas de crecemento económico; estas baséanse, fundamentalmente, na competitividade das súas exportacións, debida, en gran parte, a uns custos salariais moi reducidos. Nun primeiro momento denominouse así a República de Corea, Singapur, Taiwán e Hong Kong. Considéranse unha segunda xeración: Tailandia, Malaisia, Indonesia e Filipinas. Como denominación destes países tamén se empregan as expresións tigres asíaticos e samurais asiáticos.