Dromia

Xénero de cangrexos, da suborde dos braquiúros, ao que pertence a especie D. personata, de ata 11 cm de lonxitude, de cor rosa, que vive en fondos rochosos da Península Ibérica, entre os 2 e os 200 m de profundidade. Presenta o corpo recuberto dunha densa pilosidade, agás os extremos das pinzas. As máis das veces mantén agarrados, sobre el, anacos de esponxas para camuflarse.