Duclos, Jacques

Político francés. Afiliado ao Parti Communiste (1921), foi secretario da súa directiva (1931-1964) e membro da comisión executiva da III Internacional en 1935. Foi vicepresidente da cámara de deputados (1936-1940) e, despois de ter dirixido a organización do partido desde a Resistencia (1941-1944), foi nomeado vicepresidente da Asemblea Nacional (1946-1948). En 1959 ingresou no Senado, onde presidiu o grupo comunista. Colaborador de Cahiers du Communisme e Humanité, dirixiu La voix de l’Est e escribiu, entre outras obras, Histoire du Parti Communiste Français (Historia do Partido Comunista Francés, 1964), con Villoux, e Mémoires (Memorias, 1968-1973), en sete volumes.

Cronología