Ducos du Hauron, Louis

Fotógrafo francés. En 1869 presentoulle unha comunicación á Sociedade Francesa de Fotografía na que propoñía unha descomposición das tres cores primarias para obter negativos do mesmo tema, co que aparecerían as cores complementarias mediante un filtro colocado entre o obxectivo e a placa. Foi o autor dos anaglifos, patentados en 1891 e baseados na síntese da visión binocular, nos que se reproducían dúas imaxes conxuntamente, xeralmente en vermello e verde, e coas que se conseguía ver o relevo da dobre imaxe coa axuda dunhas gafas cun cristal de cada cor. Entre 1860 e 1900 publicou as novidades do desenvolvemento da técnica da tricromía e sentou as bases da fotografía en cor. Editou Memoria sobre as sensacións luminosas (1857) e Solución física do problema da reprodución das cores pola fotografía (1862).

Cronología