durar

1. v t e i

   Ter algo a duración que se expresa. Na tradición oral recóllese o seguinte dito: “Non hai ben nin mal que cen anos dure”.

   Ex: O peche da fábrica durará cinco horas. O xantar durou ata as cinco da tarde.

2. v t e i

   Persistir ou manterse algo ou alguén ao longo dun período de tempo. Na tradición oral recóllense ditos como: “Así duras como te curas. Dure a mala veciña o que a neve febreiriña. Paxe que moito refrega, e home que moito se cura, pouco duran”.

   Ex: As botas que comprou aínda lle duraron tres invernos. Despois da operación só durou unha semana. Miña bisavoa durou ata os cen anos. Creo que os cartos que lle deches non lle durarán nada.

Frases feitas

• Durar coma a auga nun cesto/Durar menos ca a alegría na casa do pobre. Ter algo pouca duración.

• Durar toda a vida e mais seis meses. Non acabar nunca.