Echaide, sistema clasificatorio de

Sistema clasificatorio de instrumental lítico, desenvolto por M. D. Echaide, que tivo en conta as peculiaridades propias dos bifaces galegos. Baseado nas partes corticais distinguiu catro grupos: pezas con base reservada na súa totalidade, pezas de base parcialmente reservada, pezas con talla total e pezas diversas. Aínda que os avances metodolóxicos fixeron necesaria unha revisión deste sistema, continúa a ser unha referencia no estudo das tipoloxías líticas galegas.