Economía Gallega

Revista de carácter económico aparecida na Coruña a partir de marzo de 1988. Editada por Galicia Económica S L e dirixida por Uxío Fernández Fernández, contou coa colaboración de Mª Luisa Martínez, Luis Caramés, J. Antonio Gaciño, Luis Pita e Antonio Grandío. Ademais de procurar solucións a problemas financeiros, incluíu información relativa a empresas públicas e privadas, e tratou especialmente os sectores da pesca, a construción, a agricultura, a moda e a creación en Galicia, e o comercio polo miúdo.