Edite

Antropónimo feminino procedente do inglés Edith, e este do anglosaxón Eadgydh, composto de éad ‘rico, feliz’, ‘riqueza’, e gydh/gûdh ‘combate, batalla’. Presenta a variante Edith e os hipocorísticos Edi, Ediña, Didí. Levaron este nome varias princesas inglesas da Idade Media, entre elas Edith, a do pescozo de cisne dos poemas cabaleirescos. A súa festividade celébrase o 16 de setembro.