Egas, Camilo

Pintor ecuatoriano. Estudiou na Escuela de Bellas Artes de Quito, na Regia Scuola di Belle Arti de Roma e na Real Academia de Bellas Artes de San Fernando de Madrid. Á súa formación europea engadiu o seu interese polo indíxena e as preocupacións sociais. Trasladouse aos EE UU en 1927 e foi director da escola de pintura da New School for Social Research (1935-1962). Trala crise de 1929, realizou lenzos sobre a vida nas fábricas, entre os que destaca La calle 14. Posteriormente, a súa obra derivou cara ao surrealismo e á abstracción. En 1981 inaugurouse o Museo Camilo Egas na súa cidade natal.

Cronología