Elymus

Xénero de herbáceas perennes, da familia das poáceas, caracterizada por presentar inflorescencias sinxelas de pequenas espigas subsésiles e arestas terminais. En Galicia están presentes as especies E. caninus, en bosques e sebes; E. farctus, en áreas litorais; E. pungens, en lugares secos; E. pycnanthus, en áreas litorais e grixedos; e E. repens, en camiños e cultivos.