empírico -ca

Que se basea na experiencia e na observación, ben sexa dun xeito metódico ou non. Distínguese entre a experiencia común, construída a partir dos sentidos e que se refire a feitos; e a experiencia científica, realizada coa axuda de instrumentos de medición, preparada e acondicionada en laboratorio, e que proporciona unha expresión cuantitativa dos fenómenos (experimentación). Na historia foi moi común contrapoñer o empírico ao racional polo que dende o s XVII se distinguen dúas correntes epistemolóxicas contrapostas, o empirismo e o racionalismo.

Corrente filosófica que tamén se coñece co nome de empirismo.

Lei á que se ten chegado estatisticamente por coñecementos obtidos da experiencia directa, non a través da teoría e do cálculo.