Encinas Diéguez, Ramón

Avogado e político. Licenciado en Dereito pola Universidade de Santiago de Compostela e doutor pola Universidad de Salamanca. Foi letrado do concello de Ourense entre 1948 e 1956. Nomeado subxefe provincial do Movemento, foi elixido en 1955 delegado provincial do Instituto Nacional da Vivenda. Desde 1958 exerceu como deputado por Ourense en representación das entidades profesionais. En 1961 ingresou na escala técnica do ministerio da Vivenda e accedeu á secretaría da delegación de Ourense. Foi gobernador civil de Huesca (1962-1965), de Pontevedra (1965-1969) e de Albacete (1970-1971).

Cronología