endurecemento

Acción e efecto de endurecer.

Proceso que sofre o cemento ao fraguarse, no que adquire resistencia mecánica.

Operación para darlle dureza a un metal que se realiza mediante a aplicación de certos tratamentos mecánicos, físicos ou químicos, como a deformación permanente, a fatiga, o desgaste superficial, o avellentamento, o tempero (total ou parcial), a carburación, a nitruración, a carbonitruración, a sulfinización e o achegamento metálico, como a soldadura, a metalización ou a cromaxe dura. Pode ser superficial ou total, segundo o tratamento. Con este proceso dificúltase a migración de dislocamentos no interior dos metais.