engordar

1. v t

   Dar moita comida a un animal destinado á produción de carne co fin de que críe máis graxa e carne.

   Ex: Todos os anos engordan un porco para a matanza.

   Sinónimos: cebar.
2. v t

   Facer que alguén aumente de peso.

   Ex: Como moito chocolate porque é o único que me engorda un pouco. OBS: Nalgunhas construcións omítese o complemento e adquire valor absoluto. Ex: Non tomes tanta cervexa que din que engorda.

   Antónimos: adelgazar.
3. v t

   Facer que algo se volva máis denso.

   Ex: Engordou os callos cun pouco de fariña.

   Confrontacións: espesar.
4. v t

   Prosperar economicamente grazas a outros.

   Ex: Os beneficios da empresa engordan só algúns petos.

5. v i

   Pórse gordo ou máis gordo. Na tradición oral recóllense ditos como: “Pan alleo pouco engorda. Quen non engorda comendo menos engorda lambendo. O que non mata engorda. Se queres cedo engordar, come con fame e bebe de vagar. O ollo do amo engorda o cabalo. Quen vello engorda, dúas mocidades logra”.

   Ex: Está moito máis xeitosiña desde que engordou.

   Antónimos: adelgazar.

Refráns

• Ca que eu coma ninguén engorda.
• Cando na casa engorda a moza, mal anda a causa.
• Cando o vello incha, lago na cava rincha.
• Cando o vello incha, sinal de que lago rincha.
• Comín fariña por engordar e saíume por cea e por xantar.
• Engordar, para morrer.
• Máis vale onza de sangue que libra de carne.
• O bo pasar fai o home engordar.
• O home que comeza a ¡nchar, se é vello, é para morrer; se é mozo, é para sanar.
• O que come pala man doutro, coma o que coma, engorda pouco.
• O que me sabe engórdame.
• O que.de vello engorda dúas mocidades ten.
• O vello que engorda, dúas mocedades logra.
• Ó vello que incha e ao mozo que mirra quédalle pouca vida.
• O vello que incha na cava rincha.
• Quen de vello engorda dúas mocedades disfruta.
• Quen non engorda comendo, menos lambendo.
• Quen vello engorda, dúas mocidades logra/contao
• Se queres cedo engordar, come con fame e bebe de vagar.
• Se queres engordar, come con fame e bebe de vagar.
• Se queres ter o teu home gordiño, enriba do caldo dálle un traguiño de viño.
• Vello que incha logo rincha.