entendemento

Acción e efecto de entender ou entenderse.

Bo xuízo e sentido común para obrar e xulgar de maneira correcta.

Facultade dos seres humanos que permite pensar, comprender e razoar. Na filosofía medieval era a facultade da función intelectual. No empirismo relacionouse coa intuición e limitouse ao terreo da pura percepción. Para E. Kant estrutura os contidos da experiencia e contraponse á razón, e para G. W. F. Hegel é o pensamento finito limitado pola contradición.