epígono

Persoa que segue as pegadas ou ensinanzas doutra, dun grupo, estilo, ou escola, sobre todo na arte, filosofía ou ciencia.

Nome dado aos descendentes directos dos Sete Xefes da mitoloxía grega. Dez anos despois da fracasada campaña que estes levaran a cabo contra Tebas, os epígonos emprenderon unha nova expedición para vingar a caída de seus pais. Consultado o oráculo, tomaron a Alcmeón como xefe e ocuparon a cidade. Trala vitoria, consagraron a maior parte do botín a Apolo de Delfos e puxeron no trono a Tersandro.