escangallar

1. v t

   Deixar unha cousa inservible rompendo ou separando as súas partes.

   Ex: Xogou coas bonecas ata que as escangallou todas.

   Sinónimos: escagallar, escarallar, esmendrellar, estrangallar.
2. v t

   Facer que alguén perda as forzas ou se canse en exceso.

   Ex: Non podía moverse porque a carreira escangallouno.

   Sinónimos: derrancar, derrear.
3. v t

   Danar fisicamente a unha persoa ou animal.

   Ex: Deulle tal malleira que escangallou o can.

   Sinónimos: escarallar, esmendrellar.
4. v pron

   Romperse en partes ou quedar inservible algunha cousa.

   Ex: Compramos outra televisión porque a nosa escangallouse.

5. v pron

   Cansarse ou fatigarse moito.

   Ex: Con tanto subir e baixar caixas escangalleime para o resto do día.

Frases feitas

• Escangallarse de risa. Rir moito.