escollo

Fondo rochoso do litoral, saínte ou pouco mergullado que dificulta a navegación. Pódense formar pola erosión que produce a auga nas penedías illadas ou pola acumulación de corais ou algas coralinas que están sometidos a determinadas condicións ecolóxicas, como temperaturas superiores aos 18°C, profundidade menor de 25 m, augas ricas en osíxeno e con forte salinidade ou boa iluminación. Os escollos coralinos son: o escollo de franxa, que se forma na plataforma litoral e está unido á costa, e o escollo barreira, que está máis separado da costa e está composto por atois ou por outros escollos desprendidos do escollo de franxa.

Obstáculo ou dificultade que implica unha cousa, especialmente se supón un perigo.