Escoura, pazo da

Construción situada en Santiago de Adelán (Alfoz). Ten planta en escuadra, con dous corpos de dúas alturas e unha torre no ángulo con tres alturas. Á primitiva construción engadíronselle outros corpos con funcións domésticas. Destaca a escalinata da fachada posterior que permitía o acceso a unha galería que non se conserva. A capela anexa dedícase a outros usos.