escuadrón

Conxunto de xente armada e ordenada para participar nun combate ás ordes dun capitán.

Unidade táctica e administrativa da cabalería que apareceu nos distintos exércitos durante o s XVI. Dende o s XVIII constituíuse como parte dun rexemento de cabalería, e dividiuse á súa vez en seccións denominadas compañías.

Unidade de combate da infantería española de formación compacta, constituída no s XVI e formada por uns 6.000 piqueiros. Conservou as súas características durante os ss XVI e XVII, pero no s XVIII esta unidade reduciuse a uns 3.000 piqueiros, divididos en compañías de 500 homes.

Unidade de tropas mecanizadas que inclúe, entre outros, os carros de combate.

Unidade táctica fundamental das forzas aéreas dotada dun número de avións variable segundo os países e que posúe capacidade administrativa e operativa.