escusado -da
(< escusar)
-
p reg
de escusar ou escusarse.
-
adx
Que é inutil para o fin que se desexa.
Ex: É escusado dicirlle nada, non vai cambiar de idea.
-
s
m
[HIST]
Tributario que se escusaba de pagar ao señor ou ao rei, senón que pagaba directamente á persoa ou comunidade á que se lle concedera o privilexio.
-
s
m
[HIST]
Labrego escollido polo rei para que lle cobrase e pagase os décimos.
-
s
m
[HIST]
Dereito que tiña a Facenda Real para escoller, entre as casas dunha parroquia, a casa que pagaría o décimo ao rei en vez da Igrexa.
-
s
m
[HIST]
Cantidade que as casas do décimo rendían.
-
s
m
[HIST]
Tribunal en que se resolvían os preitos relacionados coas casas do décimo.
-
s
m
[HIST]
Imposto concedido polo papa á monarquía hispánica o 15 de xullo de 1567, en substitución da cruzada. Consistía na percepción dos décimos e dos dereitos da terceira casa de cada parroquia. Filipe II mellorouno ao conseguir que a casa que tributase non fose a terceira senón a primeira casa da parroquia. A concesión inicial fíxose por cinco anos, coa condición de que o diñeiro recadado se empregase nas guerras contra os turcos e os ingleses. Renovouse de forma sistemática e, tralo Concordato de 1753, a concesión fíxose perpetua. Aboliuse no Concordato de 1851.