esfingolípido

Cada un dos lípidos complexos que derivan da esfingosina. A súa hidrólise produce a liberación dunha molécula de esfingosina ou ben un derivado seu, ademais dun ácido graxo, un ácido fosfórico e un alcohol. Pertencen a este grupo as esfingomielinas e os glicolípidos (cerebrósidos e gangliósidos). Os esfingolípidos aparecen nas membranas celulares dos animais e das plantas, nos depósitos graxos e, en gran cantidade, nos tecidos nerviosos. Certas enfermidades conxénitas poden estar caracterizadas bioquimicamente pola acumulación de determinados esfingolípidos.