Espartaco

Periódico “Antiguerrero e antifascista”, voceiro da Federación de Estudiantes contra la Guerra y el Fascismo, que tirou do prelo o seu primeiro número o 15 de decembro de 1935 en Ourense. De carácter xuvenil, antimilitarista e unitario, nel participaron membros das Mocedades Galeguistas locais, como Luís Taboada, do PCE, e Eugenio Villot; ademais de sinalados militantes do POUM, como Armando, Mario e Cándido Fernández Mazas, que colaborou no deseño da cabeceira. A redacción estivo no local do Centro Obrero e coñécese a existencia de cando menos 5 números ata comezos do verán de 1936.