estampa

1. s f
   1. [GRÁF/ARTE]

      Imaxe obtida pola impresión dunha pedra litográfica, dunha prancha gravada, impregnada dunha tinta especial.

   2. Debuxo e figura que ilustra un texto escrito.

      Ex: Pasou o día a ver as estampas das revistas.

   3. Tarxeta cunha imaxe representada, especialmente de tema relixioso.

2. s f

   Figura total dunha persoa ou animal. Adoita empregarse cos adxectivos boa e mala.

   Ex: Ter boa ou mala estampa.

3. s f

   Escena ou cousa que se percibe coa vista.

   Ex: O atardecer proporcionáballes unha estampa idílica ós namorados.

4. s f

   Nome de distintos moldes que se empregan para estampar.

5. estampa de popa [MAR]

   espello de popa.

Frases feitas

• Dar á estampa. Imprimir ou dar ao prelo.