estímulo
(< lat stimŭlu)
-
s
m
Aquilo que estimula ou anima.
Ex: Aquela felicitación foi un estímulo para todos.
Sinónimos: acicate, aliciente, incentivo. -
s
m
[FISIOL]
-
Calquera cambio no ambiente externo ou interno dun organismo que provoca unha modificación na súa actividade.
-
Cada un dos axentes ou das condicións que poden provocar modificacións na actividade dun organismo. A intensidade da resposta depende da intensidade do estímulo, sempre que esta última acade un certo valor, chamado limiar. Os efectos estimulantes poden ser físicos, químicos ou biolóxicos.
-
-
estímulo psíquico
[PSIC]
Estímulo que afecta á conduta ou ás vivencias dun animal superior. Pode ser adecuado, cando provoca a reacción normal dun receptor; inadecuado, cando provoca a experiencia modal típica pola súa acción directa sobre o nervio, ou se actúa anormalmente sobre un receptor, e tamén, en reflexoloxía, se está condicionado a unha reacción que non provoca espontaneamente; supraliminar, se se produce moi por enriba do limiar, condición en que se percibe dunha maneira diferente; liminar, cando está na rexión do limiar, onde a percepción pode presentarse ou non; e subliminar, cando é por debaixo do limiar, onde non pode producir un efecto directo, pero si indirecto. Ivan Petrovič Pavlov e os condutistas utilizaron exhaustivamente o concepto estímulo-resposta.