incentivo

Estímulo que anima a facer algo ou a facelo de xeito mellor ou máis rápido.

Estímulo de orde material ou moral dirixido aos diferentes axentes para interesalos na promoción ou boa marcha dos procesos económicos. Dentro do sistema capitalista o incentivo fundamental é a obtención de beneficios, pero o estado pode influír mediante outros incentivos de tipo fiscal e monetario. Para aguilloar os traballadores utilízanse incentivos como primas á produción, participación nas ganancias, así como o sistema de comisión. Os incentivos de carácter moral empregáronse especialmente en situacións de guerra ou revolución.