Estudiante, El

Publicación aparecida en Pontevedra o 30 de outubro de 1879. Cesou a súa edición en novembro de 1880 (nº105). Subtitulouse “Redactado por alumnos del Instituto Provincial de esta ciudad” e “Hoja aspirante a periódico, publicada en Pontevedra”. Fundada e dirixida por Julián Rodríguez de Cea, saía os luns e os xoves. Reapareceu probablemente o 25 de novembro de 1880 co subtítulo de “Periódico bisemanal de literatura e intereses materiales” e dirixido por Rogelio Quintáns. Cesou o 2 de decembro de 1881 (nº190), pero reapareceu o 27 de abril de 1884.