Euston Road, escola de

Grupo de pintores reunidos arredor da School of Drawing and Painting creada en Euston Road (Londres) en 1937 por Claude Rogers, Victor Pasmore, William Coldstream e Graham Bell. A súa estética caracterizouse polo interese de recuperación do naturalismo partindo dos estilos abstractos e esotéricos. Cultivaron a figuración cunha pincelada e cores suaves. Como grupo mantivéronse ata 1939, pero con este nome incluíronse as obras realizadas nun estilo semellante ás orixinarias. Trala paréntese da Segunda Guerra Mundial, a escola continuou coas súas ensinanzas.