existencia

Feito ou circunstancia de existir.

Realidade que existe, ou que é real. Tradicionalmente oponse ao concepto de esencia. San Tomé de Aquino afirmou que a existencia nas criaturas pode ser ou non coincidente coa esencia, agás no caso de Deus, en que os dous conceptos coinciden. No s XIX, G. W. F. Hegel definiu, en Phänomenologie des Geistes (A fenomenoloxía do espírito, 1806), as nocións de existencia como conciencia da vida e vida como a vida orgánica. Só a existencia é propia do home. Para os existencialistas, se se aplica a existencia ao ser humano, esta vén precisar que todo home é unha realidade concreta, cun corpo concreto e vinculado a un tempo concreto.

Vida e tempo que se vive.

Maneira de vivir.

Mercadorías e materias primas que unha empresa ten nun almacén á espera de vendelas ou de facelas entrar no proceso produtivo.

Calquera categoría de bens de que dispón unha empresa nunha data determinada. OBS: A grafía <x> representa o son [ks].