facial

(< lat faciāle)

1. adx
  Relativo ou pertencente ao rostro ou á cara.
2. arteria facial [ANAT]
  Rama da carótide externa que nace enriba da arteria lingual e se dirixe cara a adiante ata acadar o bordo anterior do músculo maseter, para logo discorrer oblicuamente ao suco da arteria angular. Distínguese unha porción cervical e unha porción facial.
3. nervio facial [ANAT]
  Nervio que ten orixe na protuberancia anular. Diríxese á cara a través do conduto auditivo interno e do acueduto de Falopio, e penetra dentro da parótide. Ten unha función motora, sensitiva e secretora.
adx e s m [FILAT]
Prezo de emisión dun selo de correos ou doutro efecto postal. Normalmente correspóndese co valor de franqueo, aínda que pode levar unha sobretaxa destinada a financiar algunha actividade benéfica ou de calquera outra índole. OBS: Tamén se denomina valor facial.

Palabras veciñas