Favara

Cidade da provincia de Agrigento, situada na illa de Sicilia, Italia (31.995 h [1991]). As principais actividades económicas están relacionadas coa minería. De orixe prehistórica, converteuse no s VII a C nun posto militar grego de importancia estratéxica. Trala dominación romana sufriu a ocupación musulmá (827-1072) e a normanda, durante a que se desenvolveu o feudalismo. Do seu patrimonio cultural destacan a necrópole de Rocca Stefano, a vila romana do distrito Conrada Saraceno e o castelo de Chiaramonte (1270).