Fay, William George

Actor e produtor irlandés. Foi un dos impulsores do Movemento Dramático Angloirlandés e do Abbey Theatre. Traballou varios anos en compañías que actuaban por Irlanda e Inglaterra. Como actor, fixo papeis protagonistas nos espectáculos The Playboy of the Western World (O mozo que chegou de lonxe) ou The Well of the Saints (A fontenla dos milagres), baseados en textos de John Millington Synge. Trala ruptura con Yeats e o abandono do Abbey, acompañou o seu irmán Frank na experiencia americana, pero despois volveu a Londres, onde continuou traballando como actor e produtor.

Cronología